O 31 de maio do 1982, o Xurado Provincial de Montes aproba clasificar -co expediente 160- unha superficie de 408 hectáreas do monte Acibal como monte veciñal en mancomún pertencente á comunidade veciñal de San Mamede da Amil.

O monte en mancomún da Amil ten os seguintes lindes:

• Norte: terreos particulares e monte de Cosoirado
• Sur: termo municipal de Campo Lameiro
• Leste: termo municipal de Campo Lameiro
• Oeste: termo municipal de Barro e monte Acibal de San Pedro de Rebón.

O órgano de xestión da Comunidade de Montes é a xunta reitora. Está formada por 13 membros, que se renovan cada catro anos, segundo se establece nos estatutos que rexen a súa actividade.

A principal función da xunta reitora é a administración, o aproveitamento e a posta en valor do monte, actividades que na actualidade se fan seguindo o establecido no Plan xeral de ordenación do monte que a comunidade aprobou o ano 2002.

Aproveitamentos do monte

Os principais aproveitamentos do monte son o madeireiro, o gandeiro e o cinexético.